Revivimos a enerxía e a alegría das pasadas festas de Don Bosco no noso colexio.
Durante a semana previa, os recreos enchéronse de emoción con torneos de tenis de mesa, futbolín, dardos, pulsos, xadrez e o tradicional e o competido tiro de corda.
O día 30 foi todo un espectáculo co noso propio Got Talent, onde os talentos dos nosos alumnos e alumnas brillaron no escenario. Ademais, os diferentes cursos nos deleitaron con creativos vídeos que nos fixeron rir e reflexionar.
O día culminante, o 31, comezou cun almorzo por clases, seguido da celebración da eucaristía. A xornada continuou coa maratón, onde a resistencia e o espírito deportivo estiveron á orde do día. Agradecemos a invitación das empanadillas e refrescos, un xesto do que gozamos todos. Os tradicionais torneos de fútbol, misión imposible e jugger mantiveron a emoción no seu punto álxido. Este ano, engadimos máis diversión cun karaoke e un torneo de Pokémon con consolas clásicas!
As fotos capturan cada momento desta festa, así que non esquezas botarlles unha ollada.
Grazas a todos e todas por facer destas festas unha experiencia inesquecible!
