Os alumnos de 1º SOCA fixeron unha visita técnica aos Estaleiros Cardama. Esta empresa foi fundada no ano 1916 por Francisco Cardama Godoy, dedicándose dende a súa fundación á construción e reparación de buques.
O estaleiro dispón de 6 vías de varadero, con capacidades máximas de 2.800 t.p.m., 105 metros de eslora e 14.6 metros de manga. Ademais dispón dun peirao de reparacións propio de 80 metros de longo con todos os servizos.
Puideron ver de primeira man, a aplicación de todo o explicado ao longo de curso. Sen dúbida, toda unha lección práctica que os axudará a coñecer un pouco mais a profesión que está a estudar.
Grazas a todo o persoal do estaleiro pola boa acollida que tiveron cos nosos rapaces.