Este xoves 30 de novembro de 2017, os alumnos de 2 MANELE do Colegio Hogar, realizamos unha visita, organizada por un compañeiro da clase, Sergio Comesaña .
A visita iniciouse coa chegada en autobús á empresa, Moradiña en Cangas (Frigoríficos del Morrazo).
Esta empresa leva moitos anos establecida no sector e en dita cidade.
Á chegada, atendeunos Juan Barreiro, dono da empresa e guía na nosa visita.
Un autentico privilexio para todos nos, tamén fomos guiados en visita por Leonardo Comesaña ( Pai de Sergio Comesaña) empregado de Juan Barreiro cuxo posto de traballo é inspector de buques e mecánico, que nos ofreceu unha variedade de información moi interesante.
O barco que visitamos, situado no espigón da empresa Frigoríficos del Morrazo, se chama, Eirado do Costal. Este barco é un arrastreiro, en reparación, que sairá o luns día 4, se todo sae ben, cara Canadá.
Aproveitando estas reparacións, permitíusenos visitar este buque.
Coñecemos a ponte de mando, faláronnos de todos seus aparatos, radar, temón, radio de comunicacións, ao tempo da aplicación dos criterios e aspectos da normativa marítima vixente. Tamén faláronnos da normas de seguridade e salvamento.
Este barco dedícase á pesca, procesando nas súas adegas o peixe, conxelándoo e almacenándoo.
A visita continuou pola cuberta, onde puidemos observar pañois, grúas e aparellos de pesca, así como redes y boias.
Fomos pola zoa de máquinas, pasando logo polas adegas. A sala de máquinas pareceunos moi interesante, puidemos observar, cadros eléctricos, todo tipo de maquinaria para o mantemento dos motores. Explicáronnos, como se realiza o mantemento de pezas tan grandes y voluminosas nun espazo tan reducido.
En todo momento, a empresa, así como os seus empregados, respondéronnos a todas e cada unha das nosas preguntas.
Os alumnos de 2º MANELE queremos agradecerlles a súa paciencia, a súa colaboración e esa paixón pola súa profesión demostrada cando falan dela.
Moitas grazas.