A modo de Semblanza
(Con motivo del nombramiento de Vigués Distinguido)
Nome: Raimundo
Apelidos: Sendino Ortega
Data de nomeamento: 28 de marzo de 2005
Veu ó mundo no seo dunha familia profundamente cristián de Astudillo (Palencia), moi próxima afectiva e xeograficamente ós salesianos que se estableceran na vila no ano 1925, de feito, de 6 irmáns 3 pertencen á congregación fundada por D. Bosco.
Fai os estudos en centros salesianos de Astudillo, Madrid e Zamora ( Universidade Laboral) e mesmo a profesión que elixe das Artes Gráficas é a mimada destes relixiosos. O 24 de agosto de 1956, xa profeso, témolo en Vigo, despregando a súa benéfica actividade a favor de xente nova no Colexio Hogar San Roque da Caixa de Aforros, o seu primeiro e único destino.
A partires desa data terá como máxima fundamental a formación de “honrados cidadáns e bos cristiáns” dende a proximidade cos rapaces, asumindo calquera responsabilidade: xefe de taller, estudos, residencia, administración. Mais, onde hai que salientar a actividade de Raimundo é na dedicación ó deporte, como testemuñan os recoñecementos e galardóns acadados por el e cos seus pupilos a nivel local, nacional e internacional. Algúns deles:
- Campión de España de fútbol cadete en Granada. 1972.
- Primeiro premio nacional de Artes Gráficas ós alumnos entregado polo Xefe do Estado. Anos 1970, 1972, 1973.
- Premio nacional da deportividade 1976.
- Campións de España de campo a través en Baiona. 1982.
- Campións do mundo de campo a través en Israel. 1982.
- Diploma ó mellor club Vigués. 1983.
- Medalla ó mérito deportivo pola Federación Galega de Fútbol. 1984.
- Recepción especial a deportistas do Colegio Hogar polo presidente do COI, Exmo. Sr. D. Juan Antonio Samaranch en Lausana (Suiza) no Museo Olímpico.
- “Placa san Juan ante portam Latinam” pola difusión das Artes Gráficas. 1996.
- Insignia de ouro e brilantes da Asociación de Empresarios de Artes Gráficas. 2001.
Toda a súa traxectoria de entrega e doazón pola xuventude ven recoñecida coa concesión de “Vigués Distinguido” o 28 do marzal de 2005. Un ano máis tarde é obxecto dunha homenaxe no IFEVI coa presenza de AA. AA. deportistas e multitude de persoas que compartiron vida o longo de 50 anos en Vigo.
Recoñece a capital importancia do Colegio Hogar Novacaixagalicia como plataforma da súa actuación.